2011 BOEREMUSIEK TREINTOERE – na die Kaap

Vertrek vanaf Johannesburg
7 Dae
Oornag in skoolkoshuis

Toernaam 2011 Boeremusiek-treintoere – vanaf JHB

Toerdatums & Nommer

5 tot 11 Oktober 2011

Woens - Dins

BM # 2

Die BM #1 toer is net vir musikante & Boeremusiekgilde komiteelede:

6 tot 10 Oktober 2011

Don - Maan

BM # 1

Vertrektye

Johannesburg	12:30	Perron 16	Day 1
Bellville	10:35	Perron 1	Day 6

Arriveertye

Bellville	14:50	Perron 1	Day 2
Johannesburg	12:16	Perron 16	Day 7

Toerprys 4-Bed Kompartement op Trein & Beddens/Koshuiskamer

Prys per Volwassene	Mense per Komp’ment	Mense per Koshuiskamer
R2190	4	4
R2620	3	3

Kinders

Kinders met ouderdomme 2 – 9 betaal R450 per kind minder. Jonger kinders, wat ‘n bed met die ouer deel, reis gratis saam.

Deposito

‘n R500 per persoon nie-terugbetaalbare deposito sal u plek op die toer verseker. Die balans is betaalbaar ten laaste 6 weke voor vertrekdatum. Indien nie betaal nie, sal u plek outomaties gekanselleer word.

By die toerprys ingesluit

Retoer treinrit op die Trans Karoo Toeristeklas trein; 2 nagte akkommodasie op die trein, 4 nagte Bed & Ontbyt akkommodasie in die skoolkoshuis, ontbyte en aandetes op die trein, busvervoer tussen Bellville stasie en die koshuis in Kuilsrivier (en weer terug), een dag bus-uitstappie en ‘n toergids wat saamreis.

Van die toerprys uitgesluit

Beddegoed op die trein of in die koshuis, alle ander etes in die Kaap en middagetes op die trein, persoonlike uitgawes, toegang tot die Boeremusiekkompetisie, Omvattende reisversekering en enige ander uitgawes nie in die toerprogram genoem nie.

Etes

Slegs die ontbyte en aandetes op die trein, asook ontbyt in die koshuis, is by die toerprys ingesluit. Alle ander etes is op die trein of in Kuilsrivier beskikbaar.

Beddegoed

Bring u eie beddegoed vir die trein, sowel as gebruik in die koshuis, saam.

Roete

U reis op die Trans Karoo Toeriste-klas Trein vanaf Johannesburg na Bellville (20 km voor Kaapstad) via Potchefstroom, Klerksdorp, Kimberley, De Aar, Beaufort West en Worcester. Passasiers kan ook langs die roete op die trein klim. Dui asb. so op u Besprekingsvorm aan.

Akkommodasie

Passasiers slaap vir 4 nagte in een van vier koshuise by die Jan Kriel skool in Kuilsrivier. Daar is vier beddens per kamer en die ablusiegeriewe word gedeel. Die eetsaal is in die koshuis en daar is ‘n gemeenskaplike TV kamer. Die saal waar die Boeremusiekkompetisie plaasvind is ook op die skoolterrein geleë.

Busvervoer in die Kaap

Ons maak gebruik van ‘n 60-sitplek semi-luukse bus in die Kaap.

Bagasie

Bring asb. die minimum bagasie saam. Een tas per persoon is voldoende.

Busuitstappie

Daar sal op die Sondag ‘n busuitstappie na Kaapstad onderneem word. Die busvervoer is by die toerprys ingesluit, maar enige toegangsfooie by toersitebestemmings is uitgesluit.

Musiek op die trein

Bring gerus enige musiekinstrumente saam sodat daar op die trein gekuier kan word. Nota: Ons bevel aan dat die klavier nie saamkom nie!

Bespreek NOU! Daar is plek vir ‘n maksimum van 60 mense op hierdie toer. Voltooi die Aangehegde Besprekingsvorm (Sien die laaste bladsy van die aangehegde FAQ’s) en stuur dit direk aan JB Train Tours saam met die Bewys van Betaling van u deposito of volle toergelde. GEEN besprekings word by die Boeremusiekgilde gedoen nie. ‘EFT’ oorbetalings kan ook gedoen word.

Let wel

Die musikante wat in die Kaap gaan deelneem se besprekings word deur die Boeremusiekgilde gedoen. Kontak vir Wessel Potgieter (voorsitter Noordstreek) by Tel: (011) 976-1644 of 082 456-2853 of e-pos: wespot@telkomsa.net

Nota

Musikante kan wel op hierdie toer (BM # 2) saamry, maar moet die volle toerprys betaal.

Nota

Let asb. daarop dat ons ook 'n 9-dag Boeremusiektreintoer aanbied wat van 4 tot 12 Oktober 2011 sal plaasvind. Daar word op hierdie 9-dag treintoer in ‘n hotel in Kaapstad oornag en Toeriste-uitstappies word onderneem. Die Boeremusiekkompetisie word ook die Saterdagaand in Kuilsrivier bygewoon. Kontak ons vir meer besonderhede i.s. BM #3.

Travel greetings

Johan Badenhorst &
The JB Train Tours Team

Looptye van die trein

Johannesburg - Kaapstad - Johannesburg

Voorlopige PROGRAM

2011 BOEREMUSIEK TREINTOERE – vertrek vanaf Johannesburg

Updated : 21-02-12 | Visitor :
Contact Us | General Info

Copyright © 2010 JB Train Tours. All Rights Reserved.